Il-President ta’ Malta Marie-Louise Coleiro Preca ltaqgħet ma’ grupp ta’ rappreżentanti minn għadd ta’ għaqdiet mhux governattivi li ġew identifikati minn nies li offrew il-ħin tagħhom waqt il-maratona għall-inizjattiva ‘Noffri.com’ fil-programm Xarabank, f’Ottubru 2015.
Il-President qalet lil dawk preżenti li permezz ta’ din l-inizjattiva “irridu nkunu katalisti sabiex il-komunità tagħna tifhem aktar x’inhi l-ġenerożità: li ma tfissirx biss li tagħti l-flus”. Spjegat li meta persuna tagħti ħinha, tkun “qed tagħti xi ħaġa lura lill-komunità, u b’dan il-mod din il-persuna tkun parteċipant biex jinħolqu komunitajiet aktar armonjużi”.
Elaine Agius, koordinatriċi ta’ Noffri.com spjegat li d-donazzjonijiet kollha ġew analizzati b’reqqa, u li dawk li speċifikaw is-settur minflok għaqda partikolari, ġew ikkuntattjati għal aktar informazzjoni, wara li ġiet ikkumpilata lista komprensiva tal-għaqdiet lokali kollha fis-setturi varji tagħhom. ‘Il fuq minn 3,000 ruħ offrew mill-ħin tagħhom għal setturi varji jew għaqdiet b’mod speċifiku.
Dawk l-għaqdiet fi bżonn ta’ għajnuna volontarja minn dan il-bank tas-sigħat, jistgħu jagħmlu kuntatt fuq 21 255 255, għal aktar informazzjoni.
Noffri.com tnediet f’Ottubru 2015 b’kollaborazzjoni ma’ Citadel Insurance, iSupport Ltd u l-programm ‘Xarabank’.
‘Noffri.com’ enters its next phase
President of Malta Marie-Louise Coleiro Preca met a group of representatives from various NGOs, who were pinpointed by the people who donated their time in the October 2015 ‘Xarabank’ Marathon for Noffri.com.
The President said that through this initiative “we have to be catalysts in making our community understand the true value of generosity, which is not always just about donating money”. She explained that when someone donates his or her time, “they would be giving something back to their community and in this way they would be partners in creating harmonious communities”.
Elaine Agius, coordinator for Noffri.com explained how all the donations have been thoroughly vetted, and that those people who specified a sector rather than a particular NGO for whom to donate their time, have been contacted so that they can give more information, after compiling a list of all the NGOs in all the various sectors. Over 3,000 people have donated their time for various causes or specific NGOs.
NGOs in need of voluntary hours from this ‘pool of generosity’, can contact Noffri.com on 21 255 255 for further information.
Noffri.com was launched in October 2015 and is supported by Citadel Insurance, iSupport Ltd and ‘Xarabank’.