Il-President ta’ Malta Marie-Louise Coleiro Preca żżur l-iskola San Andrea fl-Imġarr, bħala parti minn programm ta’ żjarat fl-iskejjel bil-għan li tagħti attenzjoni kbira għal dak li jitkellmu dwaru t-tfal. Matul dawn iż-żjarat il-President tiltaqa’ fi gruppi ċkejkna mal-istudenti, biex tisma’ lit-tfal bil-għan li tressaq ‘il quddiem ix-xewqat tagħhom. Dan il-programm se jissokta fil-ġimgħat li ġejjin f’Malta u anki f’Għawdex.