Il-Malta Community Chest Fund tirringrazzja lill-poplu Malti u Għawdxi wara li lbieraħ fl-Istrina 2015, inġabru 4,027,000 Ewro. Din it-turija ta’ ġenerożita’ u solidarjeta’ tkompli tqiegħed aktar responsabilita’ fuq il-Malta Community Chest Fund biex tkompli tagħti l-għajnuna lil dawk ħutna Maltin u Għawdxin li jigu bżonnha.
Il-Malta Community Chest Fund tirringrazzja wkoll lill-mijiet kbar ta’ voluntiera u lil mijiet ta’ għaqdiet, kumpanniji, stazzjonijiet televiżivi, u ħaddiema li għamlu din l-Istrina 2015 possibbli.
It-trażmissjoni tal-Istrina 2015, kienet imxandra fuq TVM, TVM2, One Tv, Net Tv, u F Living, kemm minn Malta u anki b’xandira specjali minn Għawdex.